Tarimiat aintsu jimiará chichamjai unuimiatai untri nuya unuimiatai untrijiai papi kuismakaruiti sake tsawantin nawe chichik etsá nantutin, nekaska unuimiatnum iruntrar penker jintiasar sukuir isma, nekapmamtiksamu arat tusar, nekasash unuimiatnum timiatrusar waripiat ajamu, muchitratniuncha neka, enentai ajasu Tarimiat aintsu unuimiatairinia jininia tusar.

Juu takat juamunmanka matsatiaruiti nekaska unt unuimiatan chichamrin ankan ankan nunka tepakmanmaya, takat jutikiatarum tusa nunkar nunkar wekatusar chichamrin ainia nuya namkaru ainia au pujuaruiti

Unt unuimiaru Rómulo Antun Tarimiat aintsu jimiará chichamjai unuimiatai untri nii chichamunam junis chichakuiti, nekaska papi kuismamuka penkeri takakui tarimiat aintsu jimiará chichamjai unuimiatainiam nekasta uchi itiur unuiniartiniat nu iwiarma papi, uchi mantumamuri chinchipnumani iwiamu akui, unuikiartincha timiatruiniakui tarimiat aintsu unuimiatairinkia emkittiawai.

Unt unuimiaru Monserrat Creamer unuimiatai untri junis tiniuti, unuimiat ti penker emki weti takur mashiniuti unuimiat chichamrin ajinia autikia mashiniuti iruntrar takakmasartai ju yamai wi takakmajna juinkia.