Nekaska étsa nantutin tsawan jimiará nawe jimiar nuyá jimiará nawe aintiuk timianai, kamancha jimiará nupanti jimiará nawe, nui nekaska tarimiat aints unuimiatai jimiará chichamjai unuimiatai juarkiniaiti unt unuimiaru María Cunduri nekasta jintitian itiura unuikiarturtiniat jimiará chichamjai unuimiatnum, jutiksar enentaimturar warinchu iruneajai jintiatniuti uchi penker nekawarat tusar, nekaska junaka jintintiawaiti nekaska ununikiartinian wekas iin, unuimiatain chichamrin nunka tepakmanmaya nuyá tarimiat aints unuimiatain chichamrin ainia auna.

Juka ju enentaijiai takat jintiamu amayi, nekaska jutiksar takakmastiniaiti, warinchu irunea aujai tiri etserma, unuikiartinian wekatus iin ainia, nuyá unuimiatain chichamrin nunka tepakmanmaya nuyá tarimiat aints unuimiatain chichamrin ainia auna.

Ju takak najanma tii penker enentaimturma juakuiti nui pachinkiarujai nekas enentaijiai unuimiat enkit, ii nekatairijiai, enentaimtairijiai ii iwiakmari kampuntnniujai itiurait tusar nu nekaktin.

Ju takak najanamujai, nekaska jui pachinkiaru jintintiamu juakaruiti, nii ju takatan emtikiarat unuikiartin ainiajai, nekaska yamaram unuimiatai tarimiat aints jimiará chichamjai tama ai unuimiatnum.

Ju takat najanamu etsermaka juakuiti nekaska unuikiartinian wekas jintintiu wekain ainia ai nuyá tii penker unuimiat jimiará chichamjai unuimiatai emki weti irutkamunam tusar tiri umpuarma juwawai.